ჩოხატაურის საკრებულოს თავმჯდომარემ ირაკლი კუჭავამ, შეხვედრა გამართა საქართველოს სასოფლო დარბაზის აღმასრულებელ დირექტორ ამირან გიგინეიშვილთან და საინფორმაციო ცენტრის დირექტორ დავით გოგიჩაიშვილთან.
შეხვედრაზე განიხილეს პროექტის “თანამშრომლობა ადგილობრივი განვითარებისათვის” დაწყების საორგანიზაციო საკითხები.
პროექტის მიზანია საპილოტე სოფლებში საზოგადოებრივი მონიტორინგის პროცესის წარმართვა და ხელშეწყობა, შერჩეული სათემო ჯგუფების ლიდერებისთვის უნარ-ჩვევების ამაღლება, ადგილობრივი განვითარების ინიციატივების ხელშეწყობა სამოქალაქო ბიუჯეტირების პროცდურების გამოყენებითა და მოსახლეობის ფართო მონაწილეობით. აღნიშნული პროექტი განხორციელდაბა მუნიციპალიტეტის სამ დასახლებაში, ერკეთში, ბურნათსა და დაბლაციხეში. შეხვედრას ესწრებოდნენ შესაბამისი ოლქების მაჟორიტარი დეპუტატები, ლაშა თოლორდავა და გოჩა ჯიქია. პროექტი ხორციელდება გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით.
