მუნიციპალიტეტის საშუალო ვადიანი განვითარების დოკუმენტების მომზადების მიზნით, ჩოხატაურის მუნიციპალიტეტის საკრებულოში საინფორმაციო შეხვედრა გაიმართა, რომელსაც ექსპერტი ნინო ლოლაძე უძღვებოდა.
ჩოხატაური შერჩეულია 30 მუნიციპალიტეტს შორის, რომლებიც ექსპერტების მხარდაჭერით შეიმუშავებენ ან განაახლებენ საშუალო ვადიანი განვითარების დოკუმენტებს. პროექტის ფარგლებში დოკუმენტის შედგენის მეთოდოლოგიის შესახებ ორდღიანი ტრენინგი ჩატარდება, ხოლო საკრებულოს წევრები პოლიტიკის დაგეგმვის პროცესში ჩაერთვებიან, რაც ხელს შეუწყობს ადგილობრივ დონეზე მონაწილეობითი პრაქტიკის დამკვიდრებას. პროექტს საქართველოს რეგიონული განვითარებისა და ინფრასტრუქტურის სამინისტრო, გაერთიანებული ერების განვითარების პროგრამის (UNDP) „დეცენტრალიზაციისა და კარგი მმართველობის ხელშეწყობა ადგილობრივ დონეზე საქართველოში (DGG)“ ფარგლებში ახორციელებს.
