სოფლის მხარდაჭერის პროგრამა

   დაიწყო საქართველოს სახელმწიფო ბიუჯეტით გათვალისწინებული, საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში დასაფინანსებელი პროექტების შერჩევა. ჩოხატაურის მუნიციპალიტეტის დასახლებებში პროექტების შერჩევის პროცედურების დასაწყისიდანვე მოქალაქეებს ეძლევათ მუნიციპალიტეტთან თანამშრომლობის შესაძლებლობა, მათ შორის, მუნიციპალიტეტის მერიის მხრიდან ინფორმაციის თავისუფლად მიღების, საპროექტო წინადადებების შემუშავების, წარდგენის, მათ შესახებ ინფორმაციის მოსახლეობაში გავრცელების და გადაწყვეტილების მიღების პროცესის ყველა ეტაპზე ჩართულობის უზრუნველყოფის სახით. მუნიციპალიტეტი ყველა შესაძლო საშუალებით მოახდენს პროცესის შესახებ მოსახლეობის ინფორმირებას, საერთო კრებებზე გადაწყვეტილების მიღებისათვის საჭირო პროცედურების ორგანიზებასა და მათი სხდომების ჩატარების მატერიალურ-ტექნიკურ უზრუნველყოფას.
   სოფლის მხარდაჭერის პროგრამის თაობაზე საპროექტო წინადადებების მოქალაქეებისგან მიღებას ახდენენ მერიის უფლებამოსილი პირები, რომლებიც განსაზღვრული არიან მერის შესაბამისიბრძანებით(იხ. ბრძანება).
   ნებისმიერ პირს (მიუხედავად მისი რეგისტრაციის ადგილისა, მოქალაქეობისა და ა.შ.) შეუძლია გადმოიწეროს ჩოხატაურის მუნიციპალიტეტის საიტიდან (chokhatauri.gov.ge)საპროექტო წინადადებების ფორმა (იხ. დანართი), ან მიიღოს ადგილზე მერის წარმომადგენლისაგან და ის შევსებული სახით წარმოადგინოს მერიაში, ან საკუთარი იდეა/წინადადება ზეპირი სახით აუხსნას მერიის უფლებამოსილ პირებს (მ.შ. ადმინისტრაციულ ერთეულებში მერის წარმომადგენლებს), რომლებიც დაეხმარებიან მას ფორმის შევსებაში. შესაძლებელია, მოქალაქემ საპროექტო წინადადების ფორმა ელექტრონულად გადააგზავნოს მერიაში, ელექტრონული ფოსტის მეშვეობით.

საპროექტო წინადადებები წარდგენილი უნდა იყოს შემდეგი მიმართულებებით:
• სასმელი წყლის სისტემები (მათ შორის ჭაბურღილები, წყალსადენები, სათავე ნაგებობები, გამწმენდი ნაგებობები, ჭა და ა.შ.);
• სარწყავი სისტემები;
• სანიაღვრე არხები;
• ნაპირსამაგრი სამუშაოები;
• გზები დაგზისპირა მოსაცდელები;
• ხიდები, ცხაურები, ხიდბოგირები, გადასასვლელები;
• გარე განათება;
• სკოლების მიმდებარე ტერიტორიის კეთილმოწყობა;
• სკოლამდელი დაწესებულებები და შესაბამისი ინვენტარი;
• ამბულატორიის შენობები;
• სპორტული ინფრასტრუქტურა, მოედნები და მოედნების ინვენტარი;
• სკვერები და სველი წერტილები შესაბამისი ინვენტარით;
• წისქვილების რეაბილიტაცია და შესაბამისი ინვენტარი;
• მინი-ჰესები და შესაბამისი რეაბილიტაცია/აღდგენა.

მერის ანგარიში - 2020 წელი

ელექტრონული მმართველობა ჩოხატაურის მუნიციპალიტეტში

ა(ა)იპ ,,მუნიციპალური სერვისების განვითარების სააგენტოსა“ და ჩოხატაურის მუნიციპალიტეტის თანამშრომლობის ფარგლებში, ჩოხატაურის მუნიციპალიტეტის მერიაში, საკრებულოსა და ა(ა)იპ ჩოხატაურის მუნიციპალიტეტის კომუნალურ სამსახურში (სხივი) დაინერგა ახალი ელექტრონული მმართველობის სერვისები. ახალი ელექტრონული სისტემა არის მოქალაქეზე ორიენტირებული მუნიციპალური მმართველობის ინსტრუმენტი სახელმწიფოს ხელში, რომლის მეშვეობითაც ის უკეთ ემსახურება საკუთარ მოქალაქეს. ახალი ელექტრონული სისტემა  მოიცავს შემდეგ სერვისებს:

1. ელექტრონული განცხადებების ერთიანი სისტემას - ms.gov.ge;

2. შენი იდეა მუნიციპალიტეტის მერს - idea.municipal.gov.ge;  (ბრძანება, განხორციელების წესი)

3. მუნიციპალური პროექტების მონიტორინგს - build.municipal.gov.ge;

4. მოქალაქეთა ონლაინ დახმარებას - ms.gov.ge.

ელექტრონული სერვისებით სარგებლობის პირობებში გამარტივდება განცხადების წარდგენის პროცესი, სწრაფი და კომფორტული გახდება კონსულტაციის მიღება, დაიზოგება მოქალაქის ფინანსური  რესურსი და დრო,  მოქალაქეებს შესაძლებლობა ექნებათ იდეებით ჩაერთონ საკუთარი მუნიციპალიტეტის განვითარებაში, ყველა მნიშვნელოვან პროექტზე ექნებათ მონიტორინგის განხორციელების საშუალება და ახალ ტექნოლოგიებთან ერთად გზას გაუხსნიან კიდევ მეტ შესაძლებლობას.

იხ. ახალი ელექტონული მმართველობა ჩოხატაურის მუნიციპალიტეტში

ჩოხატაურის მუნიციპალიტეტი უერთდება 16 დღიან კამპანიას (25 ნოემბრი - 10 დეკემბერი) გენდერული ძალადობის წინააღმდეგ

ჩოხატაურის მუნიციპალიტეტი უერთდება 16 დღიან კამპანიას გენდერული ძალადობის წინააღმდეგ, რომელიც მსოფლიოში 25-ნოემბრიდან 10 დეკემბრის ჩათვლით 1991 წლიდან აღინიშნება. 16 დღის განმავლობაში, ჩვენი მუნიციპალიტეტი გეგმავს როგორც ონლაინ შეხვედრების სერიას,ასევე საინფორმაციო სოციალრი მედია აქტივობების განხორციელებას.
ჩოხატაურის მუნციპალიტეტი აღნიშნული კამპანიის ფარგლებში პანდემიით გამოწვეული გარემოებების გამო, გეგმავს ონლაინ შეხვედრებს, როგორც მუნიციპალიტეტის თანამშრომლებთან, ასევე მუნიციპალიტეტის მიერ დაფუძნებული ა(ა)იპ-ების თანამშრომლებთან, მუნიციპალიტეტის საჯარო სკოლების სამოქალაქო განათლების პედაგოგებთან, ჩატარდება მუნიციპალიტეტის გენდერული თანასწორობის საბჭოს სხდომა. კამპანიის ფარგლებში მცირე აქცია -მსვლელობის დროს გავრცელდება საინფორმაციო ბუკლეტები, ბეჭდური სახით ასევე გავავრცელებთ ელექტრონული საშუალებებითაც.
ქალთა მიმართ ძალადობა და ოჯახში ძალადობა ადამიანის უფლებების დარღვევაა, რომე-
ლიც მნიშვნელოვან დაბრკოლებას წარმოადგენს გენდერული თანასწორობის მისაღწევად.
ბოლო წლების განმავლობაში, საქართველოს ხელისუფლების მიერ არაერთი მნიშვნელოვანი
ღონისძიება განხორციელდა ქალთა მიმართ ძალადობის და ოჯახში ძალადობის აღმოფხვრის და პრევენციის მიზნით. მათ შორის, დაიხვეწა კანონმდებლობა, შეიქმნა დამატებითი საკანონმდებლო გარანტიები ძალადობის მსხვერპლთათვის და გაძლიერდა ინსტიტუციური
მექანიზმები. ამის მიუხედავად, პრობლემა კვლავ აქტუალურია, რასაც კიდევ უფრო ართულებს პანდემიის შედეგად გამოწვეული გარემოებები.
მუნიციპალიტეტი მხარს უჭერს ქალთა მიმართ ძალადობის და ოჯახში ძალადობის მსხვერპლებს. კერძოდ, გენდერული თანასწორობის საბჭოს ინიციატივით, მუნიციპალიტეტის როგორც 2019 წლის, ასევე 2020 წლის ბიუჯეტში და სოციალური დახმარების გაცემის წესში გათვალისწინებული იქნა კონკრეტული „მუხლი 23. გენდერული თანასწორობის უზრუნველყოფისა და ოჯახში ძალადობის აღმოფხვრის ხელშეწყობა“, რომლის პირველ პუნქტშიც გათვალისწინებულია ოჯახში ძალადობის მსხვერპლთა/ბენეფიციართა ფულადი დახმარება :
„1.1 მსხვერპლმა/ბენეფიციარმა დახმარების მისაღებად მუნიციპალიტეტის მერიაში უნდა წარმოდაგინოს: ა) წერილობითი განცხადება; ბ) განმცხადებლის პირადობის მოწმობის ასლი; გ) დოკუმენტი ძალადობის მსხვერპლობის შესახებ შინაგან საქმეთა სამინისტროს უწყებიდან ან/და სასამართლოდან. დ) განმცხადებლის საბანკო რეკვიზიტების მონაცემები.
1.2 ბენეფიციარის განცხადებას შეისწავლის ჩოხატაურის მუნიციპალიტეტის მერიის სოციალური და ჯანდაცვის სამსახურში არსებული სამუშაო ჯგუფი და სათანადო დასკვნით განისაზღვრება დახმარების ზუსტი ოდენობა.
1.3 თანხა გაიცემა მუნიციპალიტეტის მერის ინდივიდუალური ადმინისტრაციულსამართლებრივი აქტის საფუძველზე, თითოეულ ბენეფიციარზე დადგენილი საჭიროებებიდან გამომდინარე, ერთჯერადი ფულადი დახმარების სახით 1500 ლარამდე.“
ქალთა მიმართ და ოჯახში ძალადობის დაძლევა საერთო საქმე და საერთო პასუხისმგებლობაა.
მნიშვნელოვანია, საზოგადოების თითოეულმა წევრმა გავაცნობიეროთ, რომ გულგრილობა, და გვერდზე გადგომა დაუშვებელია, უნდა ვიცოდეთ, რომ თითოეული ადამიანის ერთი ზარი შესაძლოა გადამწყვეტი აღმოჩნდეს სხვა ადამიანის სიცოცხლის და ჯანმრთელობის დასაცავად.

ნოდარ დუმბაძის დაბადების დღე

დღეს ნოდარ დუმბაძის დაბადების დღეა. 92-ე წლის იუბილე, მწერლის მშობლიურ ჩოხატაურში აღინიშნა.
ყვავილებით შეიმკო ნოდარ დუმბაძის ბიუსტი.
სოფელ ხიდისთავში, ნოდარ დუმბაძის სახლ-მუზეუმში, გაიმართა ღონისძიება, სახალხო თეატრის და პატარა შემსრულებლების მონაწილეობით.
ღონისძიებას ესწრებოდნენ გურიის სახელმწიფო რწმუნებული ზურაბ ნასარაია, მუნიციპალიტეტის მერი ირაკლი კუჭავა და ადგილობრივი თვითმმართველობის წარმომადგენლები.
#2020 #ჩოხატაური2020 #კულტურა #ნოდარდუმბაძე

განცხადება

ჩოხატაურის მუნიციპალიტეტის მერია აწარმოებს სოფლის პროგრამით გათვალისწინებული სამუშოების შესყიდვაზე შესასყიდი ფასების მოკვლევას.
პრეტენდენტებმა, რომლებიც დაინტერესებულია აღნიშნული შესყიდვით ჩოხატაურის მუნიციპალიტეტის მერიის შესყიდვების სამსახურში ან ელექტრონული ფოსტის მისამართზე: This email address is being protected from spambots. You need JavaScript enabled to view it. უნდა წარმოადგინონ:
1.მიმართვა;
2.ამონაწერი მეწარმეთა და არეასამეწარმეო (არაკომერციული) იურიდიული პირების რეესტრიდან;
3.ანგარიშის ნომერი ბანკიდან;
4.ელექტრონული ფოსტის მისამართი;
5.საკონტაქტო ტელეფონის ნომერი;
ფასთა მოკვლევის წესი:
შესასრულებელი სამუშაოების სახარჯთაღრიცხვო დოკუმენტაცია განსაფასებლად ელექტრონული ფოსტის საშუალებით (This email address is being protected from spambots. You need JavaScript enabled to view it.) დაეგზავნება არანაკლებ სამ პრეტენდენტს, რომლებმაც უნდა წარმოადგინოს დოკუმენტაციის მიღების დღიდან 3 კალენდარული დღის ვადაში თავისი განფასებული ხარჯთაღრიცხვა, არაუმეტეს შესყიდვის სავარაუდო ღირებულებისა.
ხელშეკრულება დაიდება იმ პრეტენდენტთან, რომელიც დააფიქსირებს შესყიდვის დაბალ ფასს და დოკუმენტაცია წარმოდგენილი ექნება ხარვეზის გარეშე. თუ პრეტენდენტების მიერ წარმოდგენილი ფასები იქნება ერთნაირი, მაშინ ხელშეკრულება გაუფორმდება იმ პრეტენდენტს, რომელმაც პირველმა გადმოაგზავნა დოკუმენტაცია ელექტრონული ფოსტის საშუალებით.
რეგისტრაციის ვადაა 2020 წლის 21 მაისის ჩათვლით.
აღნიშნულ შესყიდვასთან დაკავშირებული განახლებული ინფორმაცია გამოქვეყნდება ჩოხატაურის მუნიციპალიტეტის ვებგვერდზე - www.chokhatauri.ge .

ვირუსის პრევენციის მიზნით ჩოხატაურის მერიაში საქმიანობის განსაკუთრებული ღონისძიებები განისაზღვრა

კონკურსი

ჩოხატაურის მუნიციპალიტეტის მერია აცხადებს კონკურსს ადგილობრივი თვითმმართველობის პროფესიული საჯარო მოხელის ვაკანტური თანამდებობის დასაკავებლად. კონკურსანტებმა განაცხადი უნდა გამოაგზავნონ ელექტრონული ფორმით საჯარო სამსახურის ბიუროს მიერ ადმინისტრირებული ვებ-გვერდის www.hr.gov.ge მეშვეობით.
დაწვრილებითი ინფორმაცია კონკრეტული ვაკანსიის შესახებ შეგიძლიათ იხილოთ www.hr.gov.ge
ჩოხატაურის მუნიციპალიტეტის მერიაში არსებული ვაკანსიების ჩამონათვალი:
1. არქიტექტურის, სივრცითი მოწყობისა და ინფრასტრუქტურის სამსახურის ინფრასტრუქტურის განყოფილების I კატეგორიის უფროსი სპეციალისტი საკურორტო ინფრასტრუქტურის საკითხებში;
2. ზედამხედველობის სამსახურის გარემოს დაცვისა და მშენებლობის სანებართვო პირობების მონიტორინგის განყოფილების I კატეგორიის უფროსი სპეციალისტი საკურორტო ადგილებში მშენებლობის სანებართვო პირობების მონიტორინგის საკითხებში;
3. მერის წარმომადგენელი ბახმაროს ადმინისტრაციულ ერთეულში.

ჩოხატაურის მუნიციპალიტეტის ტერიტორიაზე დასუფთავების მოსაკრებლის გადამხდელთა საყურადღებოდ!

  ჩოხატაურის მუნიციპალიტეტის საკრებულოს 2019 წლის 19 ივნისის #6 დადგენილებით დამტკიცებული ,,ჩოხატაურის მუნიციპალიტეტის ტერიტორიის დასუფთავებისათვის მოსაკრებლის გადახდის ინსტრუქციის” შესაბამისად, მოსაკრებლის განაკვეთი ჩოხატაურის მუნიციპალიტეტის ტერიტორიის დასუფთავებისათვის, ერთ სულ მოსახლეზე, განისაზღვრა 0.25 ლარით. ოჯახის წევრთა რაოდენობის მიუხედავად, სულადობის მაქსიმალური ზღვრული ოდენობა განისაზღვრა 4 სულით. ორგანიზაციების, დაწესებულებისა და იურიდული პირებისათვის დაკავებული შესაბამის ფართის მიხედვით. მოსაკრებელი დაბა ბახმაროს ტერიტორიის დასუფთავებისათვის განისაზღვრა ერთ სულ მოსახლეზე 1 (ერთი) ლარის ოდენობით. ოჯახის წევრთა რაოდენობის მიუხედავად, სულადობის მაქსიმალური ზღვრული ოდენობა განისაზღვრა 4 სულით. ორგანიზაციების, დაწესებულებისა და იურიდული პირებისათვის დაკავებული შესაბამის ფართის მიხედვით.
  მოკლე ტექსტური შეტყობინება, დასუფთავების გადასახადების ელექტრონული პროგრამის საშუალებით გაეგზავნება იმ უძრავი ქონების მესაკუთრეს ან/და მოსარგებლეს, რომლის საკუთრებაშიც წარმოიქმნება საყოფაცხოვრებო ნარჩენები.
  მოკლე ტექსტური შეტყობინება გაიგზავნება იმ ორგანიზაციის, დაწესებულებისა და იურიდიული პირის სახელზე, რომლის საქმიანობის შედეგად წარმოიქმნება საყოფაცხოვრებო ნარჩენი.
  დასუფთავების მოსაკრებელი გადაიხდევინება თვეში ერთხელ, თვის ბოლო კალენდარული დღის მეორე დღიდან 20 დღის განმავლობაში.

დასუფთავების მოსაკრებლის გადახდის ვალდებულებისაგან თავისუფლდება:

  ა) საქართველოს კანონმდებლობით განსაზღვრული, სოციალურად დაუცველი ოჯახები კანონმდებლობით განსაზღვრული კრიტერიუმით (სოციალურად დაუცველი ოჯახების მონაცემთა ერთიან ბაზაში არსებული პირები, რომელთა სარეიტინგო ქულა უტოლდება ან ნაკლებია 65 000 ქულაზე);
  ბ) დევნილები;
  გ) მეორე მსოფლიო ომის მონაწილეები;
  დ)საქართველოს ტერიტორიული მთლიანობისათვის, თავისუფლებისა და დამოუკიდებლობისათვის დაღუპულ, უგზო-უკვლოდ დაკარგულ, მიღებული ჭრილობების შედეგად გარდაცვლილთა ოჯახები.
  დასუფთავების მოსაკრებლის გადახდა პირველ ეტაპზე დაეკისრებათ დაბა ჩოხატაურის ტერიტორიაზე არსებულ ორგანიზაციებს, დაწესებულებებსა და იურიდიულ პირებს და დაბა ჩოხატაურში მცხოვრებ ფიზიკურ პირებს. დასუფთავების მოსაკრებელის გადახდა დაეკისრება ასევე, დაბა ბახმაროში არსებულ ორგანიზაციებსა და უძრავი ქონების მესაკუთრეს/მოსარგებლეს.
  დასუფთავების მოსაკრებლის გადახდა შესაძლებელია ,,სს ოპპა“ -ს სწრაფი გადახდის და ,,თიბისი ფეი“ -ს აპარატებიდან. გადახდა შესაძლებელია ასევე განხორციელდეს ინტერნეტის მეშვეობით.          (იხ. ბმული)

  სოციალურად დაუცველი ოჯახების, დასუფთავების მოსაკრებლის გადახდისგან გათავისუფლების მიზნით გთხოვთ, სოციალურად დაუცველი ოჯახების მონაცემთა ერთიან ბაზაში რეგისტრირებულმა პირებმა, რომელთა ოჯახების სარეიტინგო უტოლდება ან ნაკლებია 65 000-ზე, მიმართოთ არასამეწარმეო (არაკომერციული) იურიდიულ პირს - ჩოხატაურის მუნიციპალიტეტის კომუნალურ სამსახურს ,,სხივს“ და წარადგინოთ აღნიშნული ფაქტის დამადასტურებელი დოკუმენტაცია.

ჩოხატაურის მუნიციპალიტეტის მერია

ვიდეო ინსტრუქცია

სოფლის მხარდაჭერის პროგრამა

  დაიწყო საქართველოს სახელმწიფო ბიუჯეტით გათვალისწინებული, საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში დასაფინანსებელი პროექტების შერჩევა. ჩოხატაურის მუნიციპალიტეტის დასახლებებში პროექტების შერჩევის პროცედურების დასაწყისიდანვე მოქალაქეებს ეძლევათ მუნიციპალიტეტთან თანამშრომლობის შესაძლებლობა, მათ შორის, მუნიციპალიტეტის მერიის მხრიდან ინფორმაციის თავისუფლად მიღების, საპროექტო წინადადებების შემუშავების, წარდგენის, მათ შესახებ ინფორმაციის მოსახლეობაში გავრცელების და გადაწყვეტილების მიღების პროცესის ყველა ეტაპზე ჩართულობის უზრუნველყოფის სახით. მუნიციპალიტეტი ყველა შესაძლო საშუალებით მოახდენს პროცესის შესახებ მოსახლეობის ინფორმირებას, საერთო კრებებზე გადაწყვეტილების მიღებისათვის საჭირო პროცედურების ორგანიზებასა და მათი სხდომების ჩატარების მატერიალურ-ტექნიკურ უზრუნველყოფას.
  სოფლის მხარდაჭერის პროგრამის თაობაზე საპროექტო წინადადებების მოქალაქეებისგან მიღებას ახდენენ მერიის უფლებამოსილი პირები, რომლებიც განსაზღვრული არიან მერის შესაბამისიბრძანებით(იხ. ბრძანება).
  ნებისმიერ პირს (მიუხედავად მისი რეგისტრაციის ადგილისა, მოქალაქეობისა და ა.შ.) შეუძლია გადმოიწეროს ჩოხატაურის მუნიციპალიტეტის საიტიდან (chokhatauri.ge)საპროექტო წინადადებების ფორმა (იხ. დანართი), ან მიიღოს ადგილზე მერის წარმომადგენლისაგან და ის შევსებული სახით წარმოადგინოს მერიაში, ან საკუთარი იდეა/წინადადება ზეპირი სახით აუხსნას მერიის უფლებამოსილ პირებს (მ.შ. ადმინისტრაციულ ერთეულებში მერის წარმომადგენლებს), რომლებიც დაეხმარებიან მას ფორმის შევსებაში. შესაძლებელია, მოქალაქემ საპროექტო წინადადების ფორმა ელექტრონულად გადააგზავნოს მერიაში, ელექტრონული ფოსტის მეშვეობით.
  საპროექტო წინადადებები წარდგენილი უნდა იყოს შემდეგი მიმართულებებით:

• სასმელი წყლის სისტემები (მათ შორის ჭაბურღილები, წყალსადენები, სათავე ნაგებობები, გამწმენდი ნაგებობები, ჭა და ა.შ.);
• სარწყავი სისტემები;
• სანიაღვრე არხები;
• ნაპირსამაგრი სამუშაოები;
• გზები დაგზისპირა მოსაცდელები;
• ხიდები, ცხაურები, ხიდბოგირები, გადასასვლელები;
• გარე განათება;
• სკოლების მიმდებარე ტერიტორიის კეთილმოწყობა;
• სკოლამდელი დაწესებულებები და შესაბამისი ინვენტარი;
• ამბულატორიის შენობები;
• სპორტული ინფრასტრუქტურა, მოედნები და მოედნების ინვენტარი;
• სკვერები და სველი წერტილები შესაბამისი ინვენტარით;
• წისქვილების რეაბილიტაცია და შესაბამისი ინვენტარი;
• მინი-ჰესები და შესაბამისი რეაბილიტაცია/აღდგენა.