ჩოხატაურის მუნიციპალიტეტის გენდერული თანასწორობის საბჭომ 16 დღიანი ნარინჯისფერი კამპანიის ფარგლებში 25 ნოემბრიდან 10 დეკემბრამდე აქტიური კამპანია აწარმოა ქალთა მიმართ და ოჯახში ძალადობის წინააღმდეგ ცნობიერების ამაღლების მიმართულებით, არაერთი საინტერესო შეხვედრა გაიმართა(იხ. გენდერული თანასწორობის საბჭოს fb გვერდი https://www.facebook.com/profile.php?id=100081856087312 ):
- გენდერული თანასწორობის საბჭოს თავმჯდომარემ, მარინე ბერაძემ განცხადებით მიმართა საკრებულოს და აღნიშნა ქალთა მიმართ ძალადობის და ოჯახში ძალადობის წინააღმდეგ ბრძოლაში და ცნობიერების ამაღლების მიმართულებით მუნიციპალიტეტის როლზე და მნიშვნელობაზე.
- მომზადდა ვიდეორგოლი მუნიციპალიტეტის გენდერული თანასწორობის საბჭოს წევრების მიერ.
- საბჭოს წევრებმა საინფორმაციო ხასიათის ბუკლეტები გაავრცელეს და გასვლითი აქცია ჩატარდა.
- გენდერული თანასწორობის საბჭოს წევრები სოფელ შუა ამაღლების საჯარო სკოლაში მოსწავლეებს და მშობლებს შეხვდნენ, სადაც წარდგენილი იქნა ქალთა ფონდი „სოხუმის“ საიტი„ძალადობის მსხვერპლთა ციფრული რესურს-ცენტრი“ (https://sosfsokhumi.ge/map), გაიმართა ანიმაციის ჩვენება და გაიმართა დისკუსია, რომელიც ადრეულ ქორწინებას ეხებოდა, ასევე ისაუბრეს ბავშვთა უფლებების დაცვისა და ბავშვთა მიმართ ძალადობის წინააღმდეგ პრევენციის ღონისძიებებზე.
- შეხვედრა ჩატარდა სოფ. ზოტის საჯარო სკოლაში შეხვედრა გაიმართა თემაზე : „ადრეული ქორწინება“ , ასევე გენდერული ნიშნით ძალადობის გამომწვევი მიზეზები და პრევენციის ღონისძიებები, გაიმართა ანიმაციის ჩვენება და გაიმართა დისკუსია.
- გენდერული თანასწორობის საბჭოს ინიციატივით მუნიციპალიტეტის სახვითი ხელოვნების გალერეაში ახალგაზრდებისთვის ფილმის „გრძელი ნათელი დღეები“ (რეჟისორები: ნანა ექვთიმიშვილი და სიმონ გროსი) ჩვენება გაიმართა.
- გენდერული საბჭოს ინიციტივით საბჭოს წევრები რამდენიმე ზრდასრულ შშმ ქალს ესტუმრნენ და საჩუქრები გადასცეს.
- ამერიკის სოლიდარობის ცენტრის საქართველოს ოფისმა ჩაატარა ერთდღიანი სემინარი ჩოხატაურის მუნიციპალიტეტის მერიისა და საკრებულოს თანამშრომლებისთვის, მათ შორის გენდერული თანასწორობის საბჭოს წევრებისთვის.
ჩოხატაურის მუნიციპალიტეტის გენდერული თანასწორობის საბჭო უკვე მე-4 წელია აქტიურად იღებს მონაწილეობას 16 დღიან ნარინჯისფერ კამპანიაში.
