ბახმარომ „მთის დღეებს“ უმასპინძლა

მთავრობის ადმინისტრაციის ორგანიზებით დაგეგმილ მრავალფეროვან ღონისძიებებს სახელმწიფო რწმუნებულის ადმინისტრაციისა და ადგილობრივი თვითმმართველობის ხელმძღვანელი პირები, ბახმაროს დამსვენებლები, სპეციალურად ამ დღისთვის ჩამოსული ქართველი და უცხოელი სტუმრები დაესწრნენ.

ადგილობრივმა მეწარმეებმა თავიანთი პროდუქცია წარმოადგინეს, მოეწყო გამოფენა-გაყიდვა;

ფლორისტებმა სტუმრებისთვის მასტერკლასი ჩაატარეს;

გაიმართა სპორტული თამაშები და ბახმაროსთვის დამახასიათებელი მთავარი სპორტული აქტივობის, დოღის, პერფორმანსი;

მოეწყო მზარეულების, ესმა კუნჭულიასა და ავთო ცეცხლაძის, მასტერკლასები და კერძების დეგუსტაცია.

კურორტის განვითარებაში შეტანილი განსაკუთრებული წვლილისთვის „მთის დღეები 2023-ის“ ლაურეატები გამოვლინდნენ: ექიმი პოლინა დგებუაძე, რომელიც 40 წელი ემსახურა ბახმაროს პოლიკლინიკას, ბახმაროს 40-წლიანი სტაჟის მქონე კომენდანტი თამაზ ანთიძე და სინოპტიკოსი გრიშა მახარაძე, რომელიც 35 წელია ბახმაროს მეტეოროლოგიურ სადგურს ემსახურება.

მსმენელთა წინაშე წარდგნენ ჯგუფები: „ბანი“, „რეგიონი“ და ტრიო „აპრილია“.

დღე ბახმაროსთვის ტრადიციული გრანდიოზული კოცონით დასრულდა.