ჩოხატაურს პოლონელი და ქართველი ბლოგერები ეწვივნენ

ტურისტული ადგილების მონახულებამდე პროექტის ორგანიზატორები და ბლოგერები თვითმმართველობის ხელმძღვანელ პირებს შეხვდნენ და თანამშრომლობის საკითხები განიხილეს.

ბლოგერების ტური ტარდება პოლონურ-ქართული პროექტის „გურია – სიცოცხლის ზეიმი. გურიის ტურისტული ბრენდის სტრატეგიის შექმნა და განხორციელება“ (Guria – Celebrate Life. Development and implementation of the Guria brand strategy) ფარგლებში, რომელიც წარმატებული პროექტის, „ტურისტული ბრენდი – ტურიზმის გაძლიერების შესაძლებლობები გურიაში ევრორეგიონ BUG-ის გამოცდილების გაზიარება“ მეორე ეტაპია.

პროექტს პოლონეთის საგარეო საქმეთა სამინისტროს მხარდაჭერით, ახორციელებს „ევრორეგიონის მუნიციპალიტეტების ასოციაცია BUG“ (პოლონეთი), პარტნიორებთან ერთად: „თანამონაწილეობისა და ჩართულობის ცენტრი – CPC“, ჩოხატაურის, ოზურგეთისა და ლანჩხუთის მუნიციპალიტეტები, „I (პირველი) ბლოკი“, „პარტნიორობის ცენტრი პოლონეთი-აღმოსავლეთი“ (პოლონეთი).