ჩოხატაურის მუნიციპალიტეტის ადმინისტრაციულ შენობაში მონაწილეობითი ბიუჯეტირების ხელშეწყობის პროექტის შესახებ ტრენინგი გაიმართა, რომელსაც მერიისა და საკრებულოს წარმომადგენლები ესწრებოდნენ.
შეხვედრაზე განიხილეს ინკლუზიური და ეფექტიანი ბიუჯეტირების პროცესის განხორციელების გზები; სამოქალაქო ბიუჯეტის სამოქმედო გეგმა და საინფორმაციო კამპანიის წარმართვის ძირითადი საკითხები.
შეხვედრა USAID-ის ადგილობრივი თვითმმართველობის პროგრამის პროექტის- „პარტნიორი მუნიციპალიტეტების მხარდაჭერა, ეფექტურად წარმართონ მონაწილეობითი ბიუჯეტირება 2024 წლისთვის“ ფარგლებში ჩატარდა და საქართველოს განვითარების პლატფორმის წარმომადგენლები უძღვებოდნენ.
