კახა მგალობლიშვილის პერსონალური გამოფენა
12 მარტს, ჩოხატაურის მუნიციპალიტეტის მერიისა და საკრებულოს მხარდაჭერით, ა(ა)იპ არაფორმალური განათლებისა და კულტურული მემკვიდრეობის დაცვის ცენტრის ორგანიზებით, თანამედროვე სახვითი ხელოვნების გალერეაში, კახა მგალობლიშვილის პერსონალური გამოფენა, სახელწოდებით, „უცხო სინამდვილე“ გაიმართა.
#გურია2018 #ჩოხატაური2018 #კულტურა2018
რესპუბლიკური ტურნირი ჭიდაობაში
11 მარტს, ჩოხატაურის მუნიციპალიტეტის მერიისა და საკრებულოს მხარდაჭერით, ჩოხატაურის სასპორტო სკოლაში ტრაგიკულად დაღუპული მოჭიდავეების ხვიჩა ცინცაბაძისა და ზურაბ ბიბინეიშვილის ხსოვნისადმი მიძღვნილი VII რესპუბლიკური ტურნირი ჭირაობაში დასრულდა.
ტურნირში მონაწილეობა მიიღო საქართველოს სხვადასხვა ქალაქისა და მუნიციპალიტეტის 18 გუნდმა- 270 მოჭიდავემ.
გამარჯვებული სპორტსმენები სიგელებით, მედლებითა და თასებით დაჯილდოვდნენ.
ტურნირს ორგანიზება გაუწია ჩოხატაურის მუნიციპალიტეტის ა(ა)იპ სპორტისა და სპორტულ ღონისძიებათა ორგანიზების ცენტრმა.
#გურია2018 #ჩოხატაური2018 #სპორტი
8 მარტი ქალთა საერთაშორისო დღე
8 მარტს, ჩოხატაურის მუნიციპალიტეტის მერიისა და საკრებულოს მხარდაჭერით, ხელოვნების სასახლეში, ქალთა საერთაშორისო დღისადმი მიძღვნილი კონცერტი გაიმართა.
#გურია2018 #ჩოხატაური2018 #კულტურა
ქალთა საერთაშორისო დღე
ჩოხატაურის მუნიციპალიტეტის მერი ირაკლი კუჭავა, მეორე მსოფლიო ომის ვეტერან, მრავალშვილიან და სოციალურად დაუცველ ქალბატონებს ესტუმრა და ქალთა საერთაშორისო დღე მიულოცა.
#გურია2018 #ჩოხატაური2018
ბუკისციხის საბავშვო ბაღის მშენებლობა დასრულდა
6 მარტს, ჩოხატაურისა და ლანჩხუთის მაჟორიტარმა დეპუტატმა ნინო წილოსანმა, ჩოხატაურის მუნიციპალიტეტის მერმა ირაკლი კუჭავამ, სოფლის ხელმძღვანელ პირებთნ და ინსპექტირების ჯგუფის წევრებთან ერთად, ბუკისციხის საბავშვო ბაღის ახალი შენობა დაათვალიერეს.
თანამედროვე სტანდარტების მქონე, 25 აღსაზრდელზე გათვლილი საბავშვო ბაღის მშენებლობა რეგიონებში განსახორციელებელი პროექტების ფონდიდან დაფინანსდა და მისი ღირებულება 150 000 ლარს შეადგენს.
#გურია2018 #ჩოხატაური2018 #ინფრასტრუქტურა #ბაღები
ბალახის ჰოკეის ტურნირი ჩოხატაურში
1 მარტს, ლანჩხუთისა და ჩოხატაურის ბალახის ჰოკეის ვაჟთა გუნდებს შორის, ჩოხატაურის ბალახის ჰოკეის კლუბის ყოფილი პრეზიდენტის დავით თალაკვაძის ხსოვნისადმი მიძღვნილი ტურნირი გაიმართა.
გამარჯვებული ჩოხატაურის გუნდი თასითა და სიგელებით დაჯილდოვდა.
ტურნირი გაიმართა ჩოხატაურის მუნიციპალიტეტის მერიისა და საკრებულოს მხარდაჭერითა და ა(ა)იპ სპორტისა და სპორტულ ღონისძიებათა ორგანიზების ცენტრის ორგანიზებით.
#გურია2018 #ჩოხატაური2018 #სპორტი
ლაშა ღლონტი ჩოხატაურში
ჩოხატაურის მუნიციპალიტეტის ხელოვნების სასახლეში, 28 თებერვალს, ცნობილი ქართველი მომღერლის ლაშა ღლონტის სოლო კონცერტი გაიმართა.
#გურია2018 #ჩოხატაური2018 #კულტურა2018
ინფრასტრუქტურული ობიექტები საჭამიასერის თემში
27 თებერვალს, ჩოხატაურის მუნიციპალიტეტის მერი ირაკლი კუჭავა, მერის პირველ მოადგილე თამაზ ჯინჭარაძესთან, მერიის შესაბამის სამსახურებთან და სოფლის ხელმძღვანელ პირებთან ერთად, საჭამიასერის ტერიტორიულ ერთეულში ადგილობრივ მოსახლეობას შეხვდა, გაესაუბრა და მათთან ერთად დაზიანებული ინფრასტრუქტურული ობიექტები დაათვალიერა.
ჩომეთში მოსაწესრიგებელია სოფლის სასაფლაოს ღობე, რეაბილიტაციას საჭიროებს კალაგონის მიმართულებით საავტომობილო გზა.
#გურია2018 #ჩოხატაური2018 #ინფრასტრუქტურასოფლებში
25 თებერვალი საბჭოთა ოკუპაციის დღე
საბჭოთა ოკუპაციის დროს, კოჯორში დაღუპული ჩოხატაურელი იუნკერის, სოფელ სამების მკვიდრის მაკარ ბურჭულაძის ხსოვნას პატივი მიაგეს ჩოხატაურის მუნიციპალიტეტის ხელმძღვანელმა პირებმა, სოფელ სამების საჯარო სკოლის მასწავლებლებმა და მოსწავლეებმა. აღევლინა ხსოვნისადმი მიძღვნილი პანაშვიდი.
#გურია2018 #ჩოხატაური2018 #საბჭოთაოკუპაციისდღე
ინფრასტრუქტურული სამუშაოები სამების საავტომობილო გზაზე
სოფლების შუაამღლება-სამება-ზომლეთის საავტომობილო გზის მონაკვეთის დაპროექტების სამუშაოები დაიწყო. საქართველოს საავტომობილო გზების დეპარტამენტისა და რეგიონული განვითარებისა და ინფრასტრუქტურის სამინისტროს ინფორმაციაზე დაყრდნობით, წელს საპროექტო სამუშაოები დასრულდება, 2019 წლიდან კი იგეგმება აღნიშნული მონაკვეთის სრული რეაბილიტაცია და ასფალტო-ბეტონის საფარის მოწყობა. პარალელურად ამავე მიმართულებით მიმდინარეობს ავარიული სახიდე გადასასვლელების რეაბილიტაცია.
აღნიშნული ინფრასტრუქტურული სამუშაოები ჩოხატაურის მუნიციპალიტეტის მერმა ირაკლი კუჭავამ, მერის პირველ მოადგილე თამაზ ჯინჭარაძესთან ერთად დაათვალიერა.
#გურია2018 #ჩოხატაური2018 #ინფრასტრუქტურა2018
შეხვედრა „მერები ეკონომიკური ზრდისთვის“ ინიციატივის ფარგლებში
ევროკავშირის ინიციატივა “ მერები ეკონომიკური ზრდისთვის“ ფარგლებში, ჩოხატაურის მუნიციპალიტეტის მერიისა და საკრებულოს სააქტო დარბაზში, სამუშაო ჯგუფმა გამართა მორიგი შეხვედრა მუნიციპალიტეტის მერთან ირაკლი კუჭავასთან, საკრებულოს თვამჯდომარე ზაალ მამალაძესთან, მერიისა და საკრებულოს სამსახურების თანამშრომლებთან.
შეხვედრაზე განიხილეს ადგილობრივი ეკონომიკური განვითარების გეგმის შემუშავების შემდეგი პროცესი - ძლიერი და სუსტი მხარეების დადგენა, ხედვა და მიზნების განსაზღვრა.
#გურია2018 #ჩოხატაური2018
შემოგვიერთდით Facebook-ზე
გაზიარება
ბმულები
